盼啊盼！君悅酒店的口碑自助餐終於回歸了！回歸添新意，任點即煮與廚共饗，我話點煮就點煮自助餐，夠晒奔放自主！回歸後的自助餐，令饕客眼前一亮，亮點目不暇及。

一、霸氣

用大過街市海鮮檔的海鮮陣歡迎你！一入門口就是海鮮檔，有鮑魚、帶子、黃花魚、虎斑、基圍蝦等，仲有中間區域的龍蝦缸，即點即劏，霸氣盡露！隻隻鬼死咁生猛，拍相呃LIKE一流！隔離的烤肉精選，有羊架、西冷牛扒、羊肉串等，食肉獸一定不能放過。海鮮檔轉角處仲有琳瑯滿目的蔬菜檔，細心尋下會有驚喜，市面上稀有菜類在此有發現，總之就是霸氣！

二、多！多！多！

選擇多，不僅食物多，烹調方法亦多，淨海鮮就有多達九種做法，果皮蒸、花雕蒸、蒜蓉蒸、豉汁蒸、豉椒炒、薑蔥炒、香煎、椒鹽、香烤，你話點煮就點煮，隨心所烹，大廚包冇托手踭，係咪好正？烤、蒸、上湯之龍蝦，本人最欣賞烤的做法，肉爽膏香！欲罷不能，安哥再安哥！還有椒鹽鮑魚，亦係再三安哥。

三、開放

開放式廚房，睇住星級大廚點煮餸，機會冇幾可，視覺、聽覺、味覺、觸覺、嗅覺，變奏色香味享受，仲可以偷師啊！愜意吧！滿足吧！

 四、必吃必試

除了龍蝦、虎斑、鮑魚等海鮮及烤肉外，必試全自動鮮榨橙汁，果部自動榨汁機，新奇好玩，睇住一個個橙自動碌入榨汁機，劏開兩邊榨汁，果皮自動回收，百分百無添加，飲得安心玩得開心。生果水也不妨一試，排毒呵。

媽媽靚湯，點滴滋心潤澤，唔好執輸啊。日式美食區的天婦羅，特推軟殼蟹，即點即炸，ichiban。甜品區，梳乎厘！焦糖椰皇布甸！必吃推介。

梳乎厘有兩款口味，一是酒味，另一是薑味。同樣是即點即烘，等待十分鐘左右。而焦糖椰皇布甸，焦糖同樣是即點即燒，用噴槍燒過畀你。如果再未夠喉，還有果汁雪條及自家製雪糕。

媽媽靚湯   生果水

五、記好你的冧巴

如果記不好，你點的菜就上了別人的桌面，皆因你只需點了菜，就可回到你的檯子坐定定等烹調完成服務員為你奉上，咁樣可以節省時間食多D。

六、價錢

「與廚共饗」自選，自助式晚餐。星期一至星期四澳門幣499*元；星期五至星期日澳門幣599*元；6-12歲小童可享半價優惠。如需預訂及查詢，請致電＋853 8868 1920或電郵至   這個 E-mail 地址已經被防止灌水惡意程式保護，您需要啟用 Java Script 才能觀看 .

*價格均以澳門幣計算及另收10%服務費。