農曆新年是中國人最重視的節日，不僅會大掃除、吃團年飯，仲要將揮春、全盒、年花等擺喺屋企先夠好意頭。如果想加添喜慶氣氛的話，大可到App Store下載新鮮出爐的賀年Apps，由有趣的卡通揮春以至財神爺玩相Apps都有，仲可以隨時Share畀人，一於向朋友拜個早年啦！
 |
 |
《Joke福U 2》潮版揮春
售價：免費
揮春大多以毛筆和楷書寫成，若嫌一般揮春太過正路的話，《Joke福U 2》應該啱你。它將文字融入圖畫，例如有「有心有力」個心字以心形圖案代替、「風調雨順」的風和雨以圖畫表示，還有「King國King城」中英混合，令傳統揮春即時變潮，記得經facebook和電郵分享給好友！
《拜年啦》化身財神爺
售價：免費
新一年大家肯定希望財源滾滾，財神爺可算是好兆頭的人物。《拜年啦》可以畀機會你扮演財神爺，只要將相片匯入App內，便可隨意加鬍子、揮春、桃花等數十種有趣賀年裝飾，左移右放執靚個位即可化身財神爺，扮完仲可Share給親朋好友，好似玩貼紙相咁過癮！
《賣懶SellLazy》摩登玩意頭
售價：免費
舊時很多家長都會幫子女賣懶，寓意新一年趕走懶惰，努力讀書。現代人賣懶則未必要用傳統「派財神」方式，皆因《賣懶SellLazy》提供一個名為「摩登賣懶」的方法，內有打懶兔及撞磚遊戲，前者狂篤懶兔便可提升「滅懶指數」，後者主要撞走「懶」字，好玩又有意思。另提供歷史資料如賣懶典故、傳統賣懶方法等。
《2012犯太歲》化解妙法
售價：免費
太歲年年不同，踏入龍年當然要睇清楚自己的生肖有冇犯太歲。《2012犯太歲》除了提供不同生肖的卡通造型和來年運程外，就算撞正犯太歲，都有簡單的化解方法供參考，仲可以順道經twitter話畀朋友知，作提醒之用，咁就保證新一年事事順利啦！
《連鎖新年》炮仗迎新歲
售價：免費
唔少地方都已禁止新春自行放煙花和燒炮仗，若果想重溫這些熱鬧景象，《連鎖新年》便不能錯過。它屬於免費遊戲App，只需控制小燭台點着四方八面的炮仗、煙花、氣球等道具，便可成功過關。難度在於關數愈高，道具出現的頻率愈高，而且有冰塊等道具妨礙燃點，考你反應。
資料來源﹕ 東方日報
圖片來源﹕ 網 絡
