今個夏天，我去美容院開左一個減肥療程，當中有使用一種名叫”G5”嘅震脂儀，美容師介紹其功能就係高速深層按摩，震散皮下脂肪，再透過通淋巴、身體嘅排汗、新陳代謝等方式，將脂肪慢慢排出體外。

而最近入手左一部聲稱可以碎脂減肥嘅家用震震按摩機，網絡上嘅廣告用詞大多都會帶有誇張成份，但好奇心驅使下，我決定買黎試玩下。

呢部震震按摩機，使用過程同G5有相同既感覺，就係震動範圍周邊嘅肉都會快速咁轉動。同一般嘅按摩機唔同，佢係透過三片齒輪狀嘅按摩膠片，係快速下旋轉，但過程唔會覺得肉痛，反而覺得好舒服。

最鍾意係佢有兩個機頭，一個機頭按身，一個機頭按面，可以幫塊面做埋運動，希望可以振走我塊包包面啦。雖然廣告聲稱佢可以用黎減肥，震走Ｄ脂肪，但係用左大半個月，我已經當左佢係一部按摩機咁用，因為用佢真係震過嘅地方都好舒服，特別係著得高踭鞋多，夜晚用黎震下小腿至大腿的地方，即時鬆好多，依樣我最Like!　至於係咪減到肥，有待日子嘅見証。