行街買衫唔係人人都啱，尤其男士們最愛還是電腦數碼產品，不妨將逛電腦商場列入行街節目，因為現在又多一個逛電腦商場的新選擇了！

位於祐漢公園旁的iSquare電腦廣場正式開幕，佔地四萬平方呎，地方夠新又夠大，揀嘢買嘢都可以舒服D慢慢睇慢慢試。

iSquare號稱全澳最大的電腦廣場，內有近百個舖位，各式電腦和數碼產品齊備，桌面電腦、手提電腦、iPad、以至MON、Printer等電腦周邊產品，也有不同品牌的產品任君選擇。基本上日常所需的電腦數碼產品也可以在此找到，而且商舖眾多，睇中咗更可以周圍格吓價，做個精明消費者。

開幕期間，iSquare更推出限量優惠產品，吸引不少市民排隊換購。