2011年到達尾聲，哪些事令你記憶猶新？今次HappyMacao稟承我們的開心精神，與你回顧2011澳門開心事。

澳門有得睇3D電影喇！

2011年最開心的，莫過於澳門戲院終於「發奮圖強」，澳門大會堂、旅遊塔、永樂戲院先後添置3D放映設備，加上UA銀河影院開幕，大家睇戲的選擇又多咗，真係可以好開心咁講返句：澳門人終於可以喺澳門睇3D電影喇！

緊貼澳門電影情報

大熊貓開開心心來澳

講起開心事，點少得「開開」、「心心」呢兩隻得意可愛的大熊貓？大熊貓館於2011年1月18日隆重開幕，澳門市民多了一個玩樂好去處，轉眼間，「開開」、「心心」已陪伴了我們一年了。

瀏覽大熊貓館介紹

全民$5000進修增值

2011年，政府除了派現金$7000、醫療券$500外，亦開始了「持續進修發展計劃」，向本澳市民發放$5000大元進修增值，大家紛紛討論用嚟學乜嘢好，全民發揮好學精神，活到老學到老。

瀏覽進修課程資料

潮人用iPhone睇外賣紙

2011年走在澳門街上，個個都拎住部iPhone禁吓禁吓，事關年頭iPhone 4一出就成為潮流焦點，大家爭相出機成為潮人。外賣餐單APP順勢推出，潮人紛紛火速下載，一出街便登上APP STORE首位，拎住部手機就可以睇外賣紙叫外賣，方便之餘，亦認真潮爆。

外賣餐單APP下載

光影大三巴熱爆全城

大三巴聚集的不是遊客，而是澳門本地人?! 2011年5月，澳門藝術節節目「光影大三巴」，吸引大批本地市民前往，大三巴牌坊現場人頭湧湧，欣賞這項把電影藝術應用於世遺建築的震撼節目，更徇眾要求，於8月再重演，熱爆全城。

瀏覽光影大三巴直擊

2011開心事仲有好多，不妨亦在此回顧和分享一下你的開心事！在此祝大家新年快樂，2012繼續開心！