交叉合作、mix&match是時裝的玩轉伎倆，連妝物亦一樣，顏色多得花多眼亂，自家配搭下往往失手！向來愛把妝物配搭的名模莊思敏，最近視BOBBI BROWN的Color Strips為寵兒，隨時可組合自選眼影及唇膏胭脂霜，一盒集方便及趣味於一身！
名模莊思敏雖然化妝多年，但有時見到琳琅滿目的妝物也會花多眼亂，尤其近年新興的palette眼影組合顏色配搭層出不窮，對比又強烈，化妝技巧要相當完美才能掌握。向來緊貼潮流又為用家着想的BOBBI BROWN，最近推出Color Strips自組彩妝色帶，可隨意把不同色系的眼影及兩用唇膏胭脂霜放在特製的盒中，盒內又附有雙頭眼影及唇掃，方便隨時整「妝」待發。
莊思敏說：「好方便，因為入面有四款nude嘅眼影，同埋一隻較sharp嘅眼影，match好晒，可以自由配搭，點化都唔會出事。眼影由打底、主色、眼線到highlight都有，極易配搭，自己化都可以玩到個眼妝好有層次感。我鍾意呢個紫色眼影，smoky eyes或淡妝都得！兩用唇膏胭脂霜色帶有三款色，咩style都可以玩。」
自然素肌
另外，女星的素顏照永遠是熱話，當中視乎真面目是否能見得人，想美得自然兼簡約健康，並非打botox以為可一了百了，堅持表達自然一面的BOBBI BROWN，提倡Makeup Face Lift概念，短短五分鐘即容光煥發，而遮瑕霜就是妝容的「大智慧」。莊思敏表示不少模特兒及藝人都熱捧BOBBI BROWN的遮瑕霜，而新出的眼底矯色光亮霜質感貼薄但能有效遮蓋黑眼圈，眼下肌膚即時明亮。
莊思敏亦極力推介BOBBI BROWN的Brow Pencil：「柔滑眉粉筆好啱東方人用，有眉粉嘅自然效果，好幼滑又易推開，效果自然。最正係冇wax配方，唔會令皮膚敏感。」
護唇抗皺
老生常談，要顯得精神奕奕，眼部護理不可忽視。BOBBI BROWN的EXTRA EYE REPAIR CREAM蘊含縮氨酸、天然植物油及濕潤劑，提供高度修護及抗衰老功效，特別針對皺紋、黑眼圈及眼部浮腫問題。
至於比面部皮膚薄五倍的唇部，在冬天特別脆弱及容易受環境侵害，DARPHIN就以嶄新生物技術配製的抗衰老護唇膏，當中含有具天然抗氧化成分如天然迷迭香精油等，能減褪及改善唇紋，令雙唇變得更柔軟和充滿彈性。
.jpg)
