嘩嘩嘩，恐龍殺到嚟澳門喇！仲要有30隻咁多！唔洗驚，佢哋係澳門威尼斯人“活龍活現互動展”的恐龍模型，今次等HappyMacao率先帶大家勇闖恐龍世界！

甫進內，猶如穿越時光隧道，闖入侏羅紀恐龍世代。現場環境陰陰暗暗，加上不時傳出恐龍咆哮聲，氣氛都幾陰森吓。

30隻齜牙咆哮的「恐龍」，在「叢林」中張牙舞爪，除了會移動身體外，牠們亦會呼吸和發出聲音，留心觀察的話，更可看到恐龍的眼睛和腹部在動，真係幾可亂真！牠們甚至吐出舌頭，嘩，會唔會食咗我㗎？

嚟睇恐龍展當然唔係得個「嘩」字，30隻恐龍品種各有不同，包括甲龍、異齒龍、棘龍、劍龍、迅猛龍及暴龍。每款恐龍展品前都有介紹資料，可以認識一些關於牠們的棲息地、生活方式及飲食習慣等資訊，十分有教育意義。

齋睇唔夠的話，仲可以同恐龍互動！小朋友有機會爬上禽龍、原角龍或三角龍的背上騎行，親身體驗駕馭恐龍的快感。

此外，恐龍展內更設有3D立體恐龍電影，片長45分鐘，騎完恐龍之後，不如坐下來欣賞一番。

威尼斯人“活龍活現”互動展由即日起至10月1日舉行，是一個老少皆宜、極豐教育性及趣味十足的獨特史前體驗，快啲嚟感受一下啦！

3D電影播放時間