千多元買部有得Zoom兼且1,610萬像素的型薄DC,仲可以有幾高要求?新推出的Sony Cyber-shot DSC-W630就賣五彩靚樣之餘,仲加入好玩的濾鏡特效兼一掃全景功能,自轉一周即可拍到效果唔錯嘅360度全景相,好過用手機App好多!
機背設有2.7吋屏幕,顯示效果不俗。
多種特效可揀
有啲用家經常質疑DC拍攝效果,不如用手機影相好過,但係玩落W630便會發覺佢可愛之處,薄身機款搭載5倍變焦蔡司鏡頭,提供銀、粉紅、紫、金及黑5色機身任揀。另強化特效及場景功能,支援11種場景模式外,還加入玩具相機、普普風、部分色彩及柔和過曝4種特效,唔使太花時間就拍到有趣靚相!
要揀全景拍攝模式時,可直接在模式掣選取。
360度全景拍攝
新機還將一掃全景拍攝進行強化,提供3種全景拍攝模式,最特別係首次引入360度一掃全景功能,拍攝時可對應垂直及水平方向一掃即拍,更可自設向上或下轉,以及向左或右轉個人化設定,駁相效果比手機Ap得多。規格方面,機身搭載1,610萬像素Super HAD CCD及BIONZ影像處理器,令相片存取速度更快。惟W630始終屬低檔產品,只提供720p攝錄模式,做唔到全高清短片效果。
超薄機身內置5倍Zoom蔡司鏡頭。
對應MS及SD雙記憶卡,使用時甚具彈性。 |
SPECIFICATION感光元件:1,610萬像素 Super HAD CCD 鏡 頭:蔡司Vario-Tessar 25~125mm 顯示屏:2.7吋 儲存媒體:SD、MS 體 積:91×52.2×19.1mm 重 量:116g |
來源﹕東方日報