Sharp SH6230C奉旨曬命

週六, 13 三月 2010 12:12

Sharp SH6230C奉旨曬命

作者為 editor

評分此項目

(0 投票)

環保係全球大趨勢，根據全球碳計劃去年底的審計報告發現，人類造成的二氧化碳水平又上升了2%，當中不少都由發電廠產生；所以若要減排，最好用天然資源代替。要做到這點，可由貼身物品做起，例如改用Sharp最新環保手機SH6230C，用機面塊太陽能電池板充電，就醒目又環保。

Sharp SH6230C

太陽能隨街充電
Sharp 一早出過太陽能手機，日版叫936SH，來到中國就改名叫SH6230C，不過佢機面塊太陽能充電板就依然存在。官方叫有關技術做「Solar Hybrid」，說明書指出只要在太陽底下曬30分鐘，便能換來額外1分鐘通話時間，而且儲電後可備用兩小時。筆者日光下拿到街外測試，發覺充電半小時電量就增加3%，算係唔錯。最細心係板下有盞充電速度提示燈，快充時着綠燈，慢充則轉為藍燈，而充電快慢則與紫外光強弱成正比，因此想用電筒代替就一定冇反應。

電池襟用一倍冇圈外問題
多媒體功能方面，支援MP3播歌同MPEG-4播片，只可惜屏幕由936SH的 3吋854×480解像度大芒，稍為降呢到2.9吋400×240解像度，令睇片質素下降。至於影相，鏡頭提供500萬像素，並對應自動對焦、場景識別及人臉偵測，Snapshot夠用有凸！另一方面，手機有好多日系機冇的優點，例如毋須解鎖，絕無圈外問題，任何SIM卡即插即用；輸入法又有拼音同筆劃兩種，就算唔識日文漢字都入到純正中文！

話明係環保手機，當然唔止太陽能充電一瓣，它更提供智慧節能模式，開啟後可減低通話及影相的耗電量；若嫌未夠，還可透過鍵盤的屏幕節能掣，把屏幕亮度降低一級，雖然望落冇咁舒服，但就可延長電池續航時間。根據官方表示，正常使用底下，備用時間可長達470小時之久，若配合各項節能技術，時間更有望突破500小時，比一般日系機襟用一倍有多！