週四, 01 三月 2012 10:53

待客之道

 作者為  Missing
評分此項目
(0 投票)

 

以前在南灣區工作,偶爾都會到某葡撻店買三文治,十次有七次以上都會看到同一個情景,就是店員“大聲地向客人說話”。在於我的感覺,他們大聲說話時的聲浪以及態度,與“鬧”客人無異。當然,在於他們的角度,可能只是“大聲說話”而已。


自問身為客人,不敢奢求店主及員工有熱誠的招待,但最少做到人與人之間的尊重吧。每當看到他們“大聲地向客人說話”時,都會想:“有需要用這種態度嗎?”以下是我最常聽到的:


*比錢先啦吾該,吾好自己係雪櫃羅

 但現場實況只係D人個頭裝埋去雪櫃想睇下有咩飲,就已經比人大聲呼叫。其它人就係

 會以為可以同士多一樣,係雪櫃直接羅出黎先再去櫃台比錢,點知打開雪櫃個一刻就

 已經比人大聲呼叫。


*比左錢就行埋一邊,或者出去等呀,吾好阻住條路

 但現場實況係剛剛比完錢,轉身想走,但太迫人未走到,就已經比人大聲呼叫。

 葡撻店入面有幾大,大家都知。一邊排三文治,另一邊就排隊比錢買其它食物,有D人

 就企係收銀台前面羅葡撻或者其它食物。中間個條“路仔”,人多既時候真係需要D時

 間先行到出去。所以好多第一次光顧既遊人點會知道要出去等呢。


*講野講大聲D呀嘛,講比你自己聽定我聽

 有D人講野真係細聲,加上現場環境有時好嘈雜,收銀姨姨就會好火大咁講“講野講大

 聲D呀嘛”,但身為店員,對待客人,是否應該禮貌一點。


*小姐,仲有無野要呀,後面仲有好多人排緊隊

 遊客如果第一次光顧,多數都會左睇右睇,左揀右揀,咁落單既時候自不然就會時間長

 D。加上又吾可以裝下個雪櫃有咩飲品,就唯有睇牆上既牌,當然又會慢D啦。



以上純粹個人感受,沒有特別或蓄意針對葡撻店的店員,但他們的待客之道相信有很多遊客及澳門人領教過,身邊很多人都說:“為甚麼去買野食都要受氣?”這一句說話,相信領教過的人都會有所感受。



上次修改於 週五, 25 五月 2012 14:51
Missing

Missing

Missing,一個80後、90前的大女孩,常常腦袋放空,但也常常滿腦困惑。希望借著文章分享我對世界的感受、感嘆。

E-mail:
這個 E-mail 地址已經被防止灌水惡意程式保護,您需要啟用 Java Script 才能觀看

Social Profiles


想全天候知道澳門新鮮事?讚好我們的粉絲專頁吧!