第十五屇澳門美食節已開鑼，約左未？唔知有咩好吃？有咩抵食？咁等我地話你知啦。

今年美食節跟往年一樣分為“中式酒樓街”、“亞洲美食街”、“歐陸美食街”、“風味美食街”及“甜品街”，仲有一條多達廿五家韓國企業參展的“韓國村“。隨著人流慢慢的走走停停行了咁多街及一條村，原來10蚊美食還有好多，5蚊嘅都有！

有咩好吃？美食種類好多，有中有西有小吃，價錢尚算OK，如果有選擇困難症，喺美食節幾頭痕！“韓國村“超有“韓“氣，韓文韓食到處都係，特別發現有炸人蔘！炸人蔘啊，今年必吃之選。亞洲美食街發現現叫現做榴槤炒雪糕，好呢口既，唔使講梗係試下啦。

最抵食首推海鮮！$70一隻鹽焗蘇格蘭大蟹、$40蚊半隻波士頓龍蝦、$30蚊一條青花魚、$25蚊兩隻澳洲蠔、$20蚊一隻冰鎮鮑魚或一隻大閘蟹 、$10蚊一份手工魚麵。快來發現美味又抵食的美食節。